Գյումրու թիվ 4 արհեստագործական պետական ուսումնարանը հյուրընկալեց Erasmus+ ծրագրի շրջանակներում իրականացվող REnForce (Strengthening Work Force Potential in the Renewable-Energy Sector) միջազգային նախագծի հայաստանյան և միջազգային գործընկերներին։

Հյուրերը կատարեցին շրջայց, ծանոթացան ուսուցանվող մասնագիտություններին, կրթական միջավայրին և ուսանողների կատարած աշխատանքներին։

Հատուկ ուշադրության արժանացավ «Վերականգնվող էներգիայի էներգետիկ կայանների մոնտաժում, նորոգում և սպասարկում» մասնագիտությունը: Ուսանողները ներկայացրեցին իրենց նախագծային աշխատանքները։ Հանդիպումը վերածվեց ոլորտային բաց հարցերի և հեռանկարների շուրջ ակտիվ քննարկման։

Գյումրի այցը գործընկերներին հնարավորություն տվեց տեղում գնահատել ուսումնարանի իրական հնարավորություններն ու պոտենցիալը ։

Այնուհետ քննարկվեց ՄԿՈւ հաստատությունների և արևային էներգիայի ընկերությունների ասոցիացիայի ստեղծման նախադրյալները և «Solar Force» ռեսուրս-կենտրոնի հայեցակարգի մշակման սկզբնական քայլերը։