Նախագահական նստավայրում անցկացվել է «Լավագույն աշկերտ» մրցանակաբաշխությունը⇒
Նախագահական նստավայրում տեղի ունեցավ «Աշակերտության զարգացումը Հայաստանում՝ շվեյցարական փորձի հիման վրա» ծրագրի շրջանակում կազմակերպված «Լավագույն աշկերտ» մրցանակաբաշխությունը:
Ողջունելով ծրագրի իրականացումը և մրցանակաբաշխության կազմակերպումը՝ ՀՀ նախագահ Արմեն Սարգսյանը երիտասարդ սերնդի համար կարևոր համարեց տաղանդի բացահայտումն ու մասնագիտության մեջ արհեստավարժ դառնալը: «Վստահ եմ՝ ձեզնից յուրաքանչյուրն ինչ-որ ասպարեզում տաղանդ ունի: Արհեստավարժությունն այն է, ինչին պետք է ձգտեք տարիների ընթացքում: Տաղանդից դեպի պրոֆեսիոնալիզմ երկար ճանապարհ է: Այդ ճանապարհն, իհարկե, հեշտ չէ: Պետք են նվիրում, սեր ընտրած մասնագիտության հանդեպ, ինչպես նաև երկար տարիների կարգապահ աշխատանք,- ընդգծել է նախագահը և ավելացրել,-բացի տաղանդից և արհեստավարժությունից, սիրուց և նվիրվածությունից՝ երրորդ բաղադրիչը կա՝ ուսուցիչ, վարպետ ունենալը»:
Միջոցառման ընթացքում խրախուսվեցին և և շնորհակալագրեր ստացան ուսումնարանի ուսանողները հետևյալ նոմինացիաներում․
Լավագույն աշկերտ՝ «Գեղանկարչություն և քանդակագործություն» մասնագիտության 3-րդ կուրսի ուսանող Արտավազդ Գասպարյան
Շնորհակալագիր՝ «Խոհարարական գործ» մասնագիտության  3-րդ կուրսի ուսանող Զոհրաբ Գևորգյան։