Ազգային հուշանվեր

«Ազգային հուշանվերներ» ուսանողական ընկերության անդամները ուսումնասիրում են Շիրակի մարզին և Գյումրի քաղաքին բնորոշ հայկական ազգային նախշերը, դրանց գունային գամման և մոռացվող արհեստները՝ ստեղծում են համապատասխան էսքիզներ և հուշանվերներ։ Նրանք ձեռք են բերել ձեռնարկատիրական հմտություններ, սովորել ասեղնագործություն, բրդյա թաղիքագործություն, կատարել աշխատանքի բաշխում և զբաղվել շուկայի ուսումնասիրությամբ, արտադրությամբ, վաճառքով և հաշվապահությամբ։
Ուսանողական ընկերությունը ուսումնասիրելով հանրային հիմնախնդիրների բացահայտման ձևերը, մշակել և ՍԻՎԻՏԱՍ ՀԿ-ին ներկայացրել են ծրագրեր և ստացել երկու՝ «Արժևորված արհեստներ» և «Զբոսաշրջությունը Գյումրիում», ենթադրամաշնորհային ծրագրերի ֆինանսավորում, կապ հաստատել Մհեր Մկրտչյանի հուշատուն-թանգարանի հետ, որի տարածքում մի քանի անգամ իրականացրել են ցուցահանդես-վաճառք։
Համագործակցելով մշակութային կենտրոնների, թանգարանների, հյուրանոցների և հյուրատների հետ՝ նրանք նպաստում են Գյումրիում զբոսաշրջության զարգացմանը և կազմակերպեցին իրենց ձեռագործ հուշանվերների վաճառքը։