ԱՄՐԱՊՆԴԵԼՈՎ ԳՐՈՂ-ԸՆԹԵՐՑՈՂ ԿԱՊԸ . ․ ․ ԳՐԱԿԱՆ ՀԱՆԴԻՊՈՒՄ ՇԻՐԱԿԻ ՄԱՐԶԱՅԻՆ ԳՐԱԴԱՐԱՆՈՒՄ

ԱՄՐԱՊՆԴԵԼՈՎ ԳՐՈՂ-ԸՆԹԵՐՑՈՂ ԿԱՊԸ . ․ ․

ԳՐԱԿԱՆ ՀԱՆԴԻՊՈՒՄ ՇԻՐԱԿԻ ՄԱՐԶԱՅԻՆ ԳՐԱԴԱՐԱՆՈՒՄ

Գյումրու թիվ 4 արհեստագործական պետական ուսումնարանի ուսանողները հյուրընկալվել էին Շիրակի մարզային գրադարանի «Վերնահարկ» սրահում:

Օրվա խորհուրդը գիրքն էր. վերարժևորել ժամանակակից գրողների պատկառելի վաստակը նոր սերնդի գրական-գեղարվեստական մտահորիզոնի ընդլայնման, ստեղծագործական մտածողության զարգացման գործում:

Գրական միջոցառմանը ներկա էին ՀՀ գրողների միության Շիրակի մարզային բաժանմունքի անդամներ՝ Շնորհիկ Շահինյանը և Ռուբեն Եսայանը:

«Գարունավառ» սերնդի ներկայացուցիչների և մանկագիր ժամանակակից գրողների հետ հանդիպումը վերածվեց մշակութային երկխոսության հարթակի:

Ի երախտիք փոխգործակցության՝ գրադարանին նվիրվեց, ուսումնարանի «Ոսկերչություն» մասնագիտության երրորդ կուրսի ուսանող, կենտրոնի մանրանկարչության խմբակի սան՝ Արթուր Հարությունյանի «Հովհաննես Թումանյան» ձեռակերտ դիմանկարը:

Շնորհակալական խոսքերով հանդես եկան գրականագետները, մարզային գրադարանի տնօրենի ժ/պ Սեդա Գևորգյանը: