ՎԱՐՊԵՏԱՑ ԴԱՍ՝ ՈՃԱԲԱՆ ՎԱՐՍԱՀԱՐԴԱՐ ԱՐՏԱԿ ՄԵԼԻՔՅԱՆԻ ՄՈՏ

Գյումրու թիվ 4 արհեստագործական պետական ուսումնարանի կարիերայի ուղղորդման կենտրոնի պատասխանատու Կիմա Ղարագյոզյանի և վարպետ Լիանա Հովհաննիսյանի նախաձեռնությամբ «Վարսավիրական արվեստ և զարդային դիմահարդարում» մասնագիտության 1-ին կուրսի ուսանողներն այցելեցին «ԱՐՏ» գեղեցկության սրահ: Այցի ընթացքում ոճաբան վարսահարդար Արտակ Մելիքյանը ներկայացրեց մասնագիտության կարևորությունը՝ ընդգծելով աշխատաշուկայում դրա պահանջարկը: Նա նաև ցույց տվեց մազերի կտրման և մազափնջերի մշակման տարբեր տեխնիկներ, պրոֆեսիոնալ մոտեցումներ:

Ուսանողները ցուցաբերեցին մեծ հետաքրքրություն և ակտիվ մասնակցություն ունեցան քննարկումներին: