ԴԻՄՈՐԴ 2025

24.07.2025թ.

ՀՀ ԿԳՄՍ նախարարության «Գյումրու թիվ 4 արհեստագործական պետական ուսումնարան» ՊՈԱԿ-ը կատարում է 2025 թվականի ընդունելություն՝ առաջնորդվելով ՀՀ ԿԳՄՍ նախարարի 30.07.2024թ. թիվ 60-Ն «Մասնագիտական ուսումնական հաստատությունների ընդունելության կարգը հաստատելու և ՀՀ ԿԳ նախարարի 2012թ. ապրիլի 5-ի N254-Ն հրամանը ուժը կորցրած ճանաչելու մասին» հրամանով և 18.07.2025թ. N1678-Ա/2, N1704-Ա/2 և N1701-Ա/2 հրամաններով հաստատված 2025թ-ի ընդունելության տեղերի՝ ըստ մասնագիտությունների.

Հ/հ	Մասնագիտության անվանումը	Ընդունելության տեղերի քանակը			Կրթության հիմքը	Տևողու թյունը	Յուրաքանչյուր տարվա համար առաջարկվող վարձավճարը /ՀՀ դրամ/
Հ/հ	Մասնագիտության անվանումը	Անվճար ուսուցման /առկա/	Վճարովի ուսուցման /առկա/	Ընդամենը	Կրթության հիմքը	Տևողու թյունը
1.	Ոսկերչություն	20	5	25	հիմնական	3 տարի	I կուրս 150000 II կուրս 200000 III կուրս 230000
2.	Գեղանկարչություն և քանդակագործություն	15	5	20	հիմնական	3 տարի	I կուրս 150000 II կուրս 200000 III կուրս 230000
3.	Համակարգիչների շահագործում	5	10	15	հիմնական	3 տարի	I կուրս 120000 II կուրս 140000 III կուրս 140000
4.	Վարսավիրական արվեստ և զարդային դիմահարդարում	9	10	19	հիմնական	3 տարի	I կուրս 140000 II կուրս 180000 III կուրս 220000
5.	Խոհարարական գործ	15	9	24	հիմնական	3 տարի	I կուրս 150000 II կուրս 200000 III կուրս 230000
6.	Վերականգնվող էներգիայի էներգետիկ կայանների մոնտաժում, նորոգում և սպասարկում	13	7	20	հիմնական	3 տարի	I կուրս 140000 II կուրս 180000 III կուրս 220000
7.	Ռադիոէլեկտրոնային միջոցների տեխնիկական սպասարկում և նորոգում	10	10	20	հիմնական	3 տարի	I կուրս 140000 II կուրս 180000 III կուրս 220000
8.	Կաշվե իրերի արտադրության տեխնոլոգիա	15	5	20	հիմնական	3 տարի	I կուրս 150000 II կուրս 200000 III կուրս 230000
	Ընդամենը	102	61	163

Կրթությունն իրականացվում է առկա ձևով, հիմնական կրթության հիմքով՝ ավագ դպրոցի կրթական ծրագրի հետ համատեղելով 3 տարի տևողությամբ։

Ընդունելությունը կատարվում է առանց քննությունների՝ մրցութային հիմունքներով: Սովորողներիը կստանան կրթաթոշակ սահմանված կարգով։

Վճարովի հիմունքներով ընդունված ուսանողների համար կգործի փոխատեղման և զեղչային համակարգ՝ համապատասխան կարգի։ Գյուղական համայնքներից հաճախող ուսանողների համար համաձայն կարգի կգործի փոխհատուցում տրանսպորտային ծառայությունների դիմաց։

ՀՀ կառավարության կողմից հաստատված 2025/2026 ուսումնական տարվա առաջնահերթ և կարևոր ոլորտների մասնագիտությունների ցանկի համաձայն՝ «Կաշվե իրերի արտադրության տեխնոլոգիա» մասնագիտության հիմնական կրթության հիմքով ընդունված ուսանողներին առաջին կուրսում կտրամադրվի 50000 դրամի չափով կրթաթոշակ, իսկ հաջորդ կուրսերում՝ նախորդ ուսումնական տարվա արդյունքներով. միայն «գերազանց» և (կամ) «լավ» գնահատականներ ունենալու դեպքում՝ 50000 դրամի չափով, իսկ 75 տոկոսից ոչ պակասը «գերազանց» և (կամ) «լավ» գնահատականներ ունենալու դեպքում՝ 40000 դրամի չափով:

«Առանց ծնողական խնամքի մնացած երեխաների սոցիալական պաշտպանության մասին» կամ «Հաշմանդամություն ունեցող անձանց իրավունքների մասին» օրենքներով սահմանված սոցիալական խմբի, ինչպես նաև սահմանամերձ և բարձրլեռնային բնակավայրերի ուսումնական հաստատության ուսանողներին գերազանց առաջադիմության դեպքում կտրամադրվի 25000 դրամի չափով կրթաթոշակ:

Շրջանավարտներին կտրվի մասնագիտական կրթության եռալեզու պետական դիպլոմ:

Առկա ուսուցման մրցույթին մասնակցելու համար դիմորդի դիմում հայտը և փաստաթղթերը կընդունվեն կրթության Կառավարման տեղեկատվական համակարգում՝ dimord.emis.am կայքում, մինչև օգոստոսի 17-ը՝ ժամը 18:00 ներառյալ:

Անվճար և վճարովի ուսուցման տեղերում մրցույթն ըստ մասնագիտությունների կիրականացվի օգոստոսի 18-ին:

Ընդունելության մրցույթի ամփոփումից ամիջապես հետո կհրապարակվեն արդյունքներն ու առկա թափուր տեղերը:

Թափուր տեղերի մրցույթին մասնակցելու համար դիմորդի դիմում հայտը և փաստաթղթերը կընդունվեն կրթության Կառավարման տեղեկատվական համակարգում՝ dimord.emis.am կայքում մինչև օգոստոսի 24-ը ներառյալ մինչև ժամը 18:00, էլեկտրոնային եղանակով https://dimord.emis.am/ հղումով:

Խորհրդատվության, կողմնորոշման և մանրամասների համար այցելել http://www.gyumriusumnaran4.am, ՀՀ ԿԳՄՍ նախարարության Գյումրու թիվ 4 արհեստագործական պետական ուսումնարան սոցիալական կայք էջեր, դիմել. հասցե Ք. Գյումրի Անի թաղ. 11 փողոց, 5/2, հեռ. /312/ 6 64 07, 091910035, 093335433։