- Հայերեն
- Français
- English
«Ճիշտ ապրելակերպ.մաքուր միջավայր»
![](https://gyumriusumnaran4.am/sites/default/files/317116209_506077658253114_2245178989612796380_n.jpg)
![](https://gyumriusumnaran4.am/sites/default/files/317215625_891588458666322_621183371504635125_n.jpg)
![](https://gyumriusumnaran4.am/sites/default/files/317283752_1262634687650326_8045011520216380419_n.jpg)
![](https://gyumriusumnaran4.am/sites/default/files/317327023_531503181945302_7458108073529479639_n.jpg)
![](https://gyumriusumnaran4.am/sites/default/files/317329412_1263559367523260_395958655367942052_n.jpg)
![](https://gyumriusumnaran4.am/sites/default/files/317401038_1321849265217801_967449244578312753_n.jpg)
![](https://gyumriusumnaran4.am/sites/default/files/317794266_600996855130421_8743480283254426139_n.jpg)
Նոյեմբերի 30-ին Գյումրու թիվ 4 արհեստագործական պետական ուսումնարանում անցկացվեց «Ճիշտ ապրելակերպ. մաքուր միջավայր» խորագրով բաց դասը՝ «Խոհարարական գործ՝ խոհարար» մասնագիտությամբ առաջին կուրսի ուսանողների մասնակցությամբ: Նպատակն էր սերմանել հոգատար վերաբերմունք սեփական երկրի, հայրենի քաղաքի և շրջակա միջավայրի նկատմամբ, ինչպես նաև ուսանողների մոտ ձևավորել մշակույթ և ճիշտ դիրքորոշում՝ մաքրությունը արժևորելու և գերագնահատելու պարտադիր պայմանով:
Ներկայացվեց աշխարհում, այդ թվում Հայաստանում, առկա խնդիրները, աղբահանության իրականացման գործող տարբերակները և առաջատար երկրներում`վերջիններիս արդյունավետ փորձը։
Սխեմատիկորեն ներկայացվեց «Շրջանաձև տնտեսություն» մոդելը, որի կիրառումը ենթադրում էր թափոնների վերօգտագործում, օգտահանում, վերամշակում և էներգիայի ստացում: Թեմատիկ սահիկաշարի միջոցով ցուցադրվեց նաև Հայաստանի Հանրապետությունում իրականացվող աղբահանության ներկայիս վիճակը և նկատված թերացումները:
Ուսանողները օրինակների միջոցով ներկայացրեցին Գյումրի քաղաքում իրականացվող աղբահանության աշխատանքները, որի վկայությունն էին խոսուն նկարները: Զբոսաշրջիկների և ներդրողների համար առավել գրավիչ ու հարմարավետ քաղաք դարձնելու նպատակով՝ սովորողներն առաջարկեցին աչալուրջ և հետևողական լինել շրջակա միջավայրի մշտական մաքրությանը, գնահատել էկոտարածք ունենալու կարևորությունը և որպես կարգախոս ընտրել հետևյալը՝ «Երկիր մոլորակը ոչ թե ժառանգել ենք մեր նախնիներից, այլ փոխ ենք առել մեր սերունդներից»: