- Հայերեն
- Français
- English
Ցուցահանդես վաճառք «ԵՄ հանուն մշակույթի. առավել ուժեղ համայնքներ և տեղական նախաձեռնություններ» ծրագրի շրջանակներում
![](https://gyumriusumnaran4.am/sites/default/files/IMG_20220409_125205.jpg)
![](https://gyumriusumnaran4.am/sites/default/files/IMG_20220409_141635.jpg)
![](https://gyumriusumnaran4.am/sites/default/files/IMG_20220410_124253.jpg)
![](https://gyumriusumnaran4.am/sites/default/files/IMG_20220410_125954.jpg)
![](https://gyumriusumnaran4.am/sites/default/files/IMG_20220410_125956.jpg)
![](https://gyumriusumnaran4.am/sites/default/files/IMG_20220410_130049.jpg)
![](https://gyumriusumnaran4.am/sites/default/files/IMG20220410151031.jpg)
![](https://gyumriusumnaran4.am/sites/default/files/IMG20220410151048.jpg)
Ցուցահանդես վաճառք «ԵՄ հանուն մշակույթի. առավել ուժեղ համայնքներ և տեղական նախաձեռնություններ» ծրագրի շրջանակներում
Ապրիլի 9-ին և 10-ին ՀՀ ԿԳՄՍՆ Գյումրու թիվ 4 արհեստագործական պետական ուսումնարանի ուսանողները իրենց ստեղծագործական աշխատանքներն էին ներկայացրել Մհեր Մկրտչյան հուշատուն - թանգարանում՝ կազմակերպելով ցուցահանդես վաճառք։
Միջոցառումն իրականացվեց «ԵՄ հանուն մշակույթի. առավել ուժեղ համայնքներ և տեղական նախաձեռնություններ» ծրագրի շրջանակներում։
Ուսանողները 2019թ. սեպտեմբերի 23-ից հոկտեմբերի 2-ն ընկած ժամանակահատվածում մասնակցել են «Ժողովրդավարական կրթության հայկական կենտրոն - ՍԻՎԻՏԱՍ» ՀԿ-ի կողմից կազմակերպված «Երիտասարդների առաջնորդության և մասնակցության մոդուլի» փորձարկման դասընթացին, որի նպատակն էր ծանոթանալ հանրային քաղաքականության ուսումնասիրմանը, հիմնախնդիրների բացահայտման ձևերին և առաջարկել լուծումներ, մշակել ծրագրեր, հանդես գալ նոր նախաձեռնություններով։
2020 թվականի հունիսից ուսումնարանում իրականացվեցին Եվրոպական Միության կողմից ֆինանսավորվող և «Դի-Վի-Վի Ինթերնեյշնալի», «Մեդիա նախաձեռնությունների կենտրոնի», Ժողովրդավարական կրթության հայկական կենտրոն- ՍԻՎԻՏԱՍ ՀԿ-ի և «Թանգարանների աշխատողների և ընկերների ասոցիացիայի» հետ համատեղ իրականացվող, «ԵՄ հանուն մշակույթի. առավել ուժեղ համայնքներ և տեղական նախաձեռնություններ» ծրագրի շրջանակներում տրամադրված ենթադրամաշնորհների՝ «Արժևորված արհեստներ» և «Զբոսաշրջությունը Գյումրիում» ենթադրամաշնորհային ծրագրերը։
Ծրագրերի մասնակիցները հետազոտել և տեղեկատվություն են հավաքել Գյումրուն բնորոշ զարդանախշերի և ճանաչված արվեստագետների մասին, ձեռք են բերել գործիքներ և նյութեր, պատրաստել տեղեկատվական թերթիկներ, ցուցանակ, շապիկներ, Մհեր Մկրտչյանին, Հովհաննես Շիրազին և Գյումրուն բնորոշ հուշանվերներ։
Ուսանողները կիսվեցին իրենց տպավորություններով և հույս հայտնեցին, որ այս ծրագիրը նախադեպ կդառնա Գյումրու արհեստավորների համար՝ համագործակցելու, սեփական արվեստը հանրությանը մատուցելու, Գյումրիում զբոսաշրջությունը խթանելու առումով։
Միջոցառման ավարտին նրանք թանգարանին նվիրեցին «Գյումրի» և «Մհեր Մկրտչյան» խորագրերով վիտրաժային աշխատաքներ։
Տնօրենի կազմակերպադաստիարակչական գծով տեղակալ՝ Անուշ Մկրտչյան