- Հայերեն
- Français
- English
Հայ օպերային արվեստի ռահվիրան
![](https://gyumriusumnaran4.am/sites/default/files/261862998_278189577659092_5619638307960572260_n.jpg)
![](https://gyumriusumnaran4.am/sites/default/files/261990053_767669821295281_824531508077367637_n.jpg)
![](https://gyumriusumnaran4.am/sites/default/files/262010293_3024749351098049_3815467423977816312_n.jpg)
![](https://gyumriusumnaran4.am/sites/default/files/262335978_971393563460225_5397887475905067894_n.jpg)
![](https://gyumriusumnaran4.am/sites/default/files/262514343_3178221355796522_5722375488052134079_n.jpg)
![](https://gyumriusumnaran4.am/sites/default/files/262522265_1024043108327357_21868382884746564_n.jpg)
![](https://gyumriusumnaran4.am/sites/default/files/262562319_1337978909969909_6231147680946190218_n.jpg)
Գյումրու թիվ 4 արհեստագործական պետական ուսումնարանում 2021 թվականի նոյեմբերի 30-ին տեղի ունեցավ բաց դաս՝ «Հայ օպերային արվեստի ռահվիրան» խորագրով։ Դասը կազմակերպվել էր Ալեքսանդր Սպենդիարյանի ծննդյան 150-ամյակին նվիրված միջոցառումների շրջանակում։ Ուսանողները թեմատիկ սահիկաշարի միջոցով ներկայացրին հայ անվանի երաժշտահանի թողած մշակութային հարուստ ժառանգությունը՝ նշելով, որ օպերայի և բալետի ազգային ակադեմիական թատրոնը կրում է նրա անունը:
Օրվա խորհուրդը երկու հանճարների հանդիպումից ծնված գեղարվեստական հրաշքի ներկայացումն էր: Ցուցադրվեց Սպենդիարյանի «Ալմաստ» օպերայից հատվածներ՝ որի գեղարվեստական հիմքը անմահ լոռեցու՝ Հովհաննես Թումանյանի «Թմկաբերդի առումը» պոեմն է։ Մասնակիցները ներկայացրին «Ալմաստ» օպերայի ստեղծման պատմությունը՝ մեջբերելով Նվարդ Թումանյանի հիշողությունները։
Ֆիլմ-օպերայի ցուցադրմանը զուգընթաց ուսանողները կարդացին հատվածներ «Թմկաբերդի առումը» պոեմից, ներկայացրին թատերական դրվագներ։ Դասն ավարտվեց գեղեցիկ պարային կատարումով։
Ամփոփելով դասը՝ մասնակիցները համոզմունք հայտնեցին, որ այսօր էլ Սպենդիարյանի «Ալմաստ» օպերան համարվում է հայ երաժշտական արվեստի գլուխգործոց, որի միջոցով սերունդներ են դաստիարակվում։
Գ. Ավետիսյան