- Հայերեն
- Français
- English
«Հնամենի զարդերի վերածնունդը» թեմայով բաց դաս
![](https://gyumriusumnaran4.am/sites/default/files/275778410_544865483570167_1202999057783669698_n.jpg)
![](https://gyumriusumnaran4.am/sites/default/files/275915384_518743889840473_6481530788004943242_n.jpg)
![](https://gyumriusumnaran4.am/sites/default/files/275948369_1140928103413268_8438836587088967411_n.jpg)
![](https://gyumriusumnaran4.am/sites/default/files/276961822_694270598685287_8165111419806169010_n.jpg)
![](https://gyumriusumnaran4.am/sites/default/files/277288485_488502832754168_2573881790910303416_n.jpg)
![](https://gyumriusumnaran4.am/sites/default/files/277291978_5167811309947715_2847936300645438342_n.jpg)
2022թ.-ի մարտի 28-ին ՀՀ ԿԳՄՍՆ «Գյումրու թիվ 4 արհեստագործական պետական ուսումնարան» ՊՈԱԿ - ում անցկացվեց «Հնամենի զարդերի վերածնունդը» թեմայով բաց դասը: Բաց դասի նպատակն էր ծանոթանալ Հայաստանի զարդարվեստի պատմությանը և մշակութային կյանքին, ժամանակակից հայ ոսկերիչներին և նրանց ձեռակերտ աշխատանքներին, ցուցադրել ոսկերիչ ուսանողների ձեռքի աշխատանքները, ինչպես նաև արժևորել արվեստի կրթադաստիարակչական կողմերը:
Միջոցառման նախաբանը՝ հայկական կոլորիտը իր նրբագեղությամբ ներկայացնող տեսանյութի ցուցադրումն էր, որտեղ բարդ զարդանախշերով ձեռակերտ զարդերն իրենց տարազների վրա կրող կանայք հանդես էին գալիս զարդը բնութագրող կերպարով:
Այնուհետև, սահուն կերպով, անցում կատարվեց հաջորդ տեսանյութերի ցուցադրմանը, որտեղ մանրակրկիտ ներկայացված էին Արման Դավթյանի` ոսկերիչ-ոճաբան Նուռի հանրաճանաչ ոսկերչական իրերի և զարդերի նմուշները: Բավականին տպավորիչ էին արվեստագետ - արծաթագործ Գոռ Հովհաննիսյանի ստեղծած զարդերի ներկայացումը, ում խոսքերով. «Ոսկերչությունն ու արծաթագործությունը ճարտարապետություն են փոքր մաշտաբների մեջ»: Գեղեցիկ էր նաև ավանգարդ ոճի ստեղծագործող Արտյոմ Սարգսյանի աշխատանքների ներկայացումը, ում դիպուկ արտահայտմամբ էլ. «Արվեստը դա մարդ արարածն է`բնության առեղծվածը»:
Բաց դասը եզրափակվեց սովորողների կողմից ոսկերիչի պարտականությունները, գործառույթները, աշխատավայրը, ոսկերչություն մասնագիտության կարևոր որակները ներկայացնելով, իրենց կողմից ստեղծված ոսկերչական իրերը, զարդերը ցուցադրելով և վերջիններիս տեխնիկական բնութագրերը արհեստավարժորեն ու գրագետ մեկնաբանելով:
Միջոցառման ընթացքում ուսանողներին հաջողվեց ներկաներին կտրել առօրյայից և տեղափոխել «արհեստի և արվեստի զարմանահրաշ աշխարհ»։