- Հայերեն
- Français
- English
«Քաղաքացիական կրթություն, մարդու իրավունքներ, ժողովրդավարություն» խորագրով կլոր սեղան
![](https://gyumriusumnaran4.am/sites/default/files/259947580_4596876213739038_8841080543323263419_n.jpg)
![](https://gyumriusumnaran4.am/sites/default/files/260611993_4587337618016643_4900188248054889183_n.jpg)
![](https://gyumriusumnaran4.am/sites/default/files/260618926_1033267650851103_289735085698507801_n.jpg)
![](https://gyumriusumnaran4.am/sites/default/files/261124963_1132393310926787_5504024570121889915_n.jpg)
![](https://gyumriusumnaran4.am/sites/default/files/261267741_369970101592345_2132483767919936957_n.jpg)
Սույն թվականի նոյեմբերի 25-ին` Գյումրու թիվ 4 արհստագործական պետական ուսումնարանում, տեղի ունեցավ «Քաղաքացիական կրթություն, մարդու իրավունքներ, ժողովրդավարություն» խորագրով կլոր սեղան, որին մասնակցում էին հաստատության տարբեր կուրսերի ուսանողներ:
Կլոր սեղանի ընթացավարն էր դասախոս` Ս. Ավետիսյանը: Միջոցառման նպատակն էր ուսանողներին ներկայացնել քաղաքացիական կրթության դերն ու նշանակությունը, մարդու իրավունքներ գաղափարն ու աղբյուրները, քաղաքացու սոցիալական դերերը` երկրի ժողովրդավարության զարգացման գործում: Զեկույցը ընթացավ թեմատիկ սահիկաշարերով, որոնք ավելի արդյունավետ դարձրին ներկայացվող նյութի խորքային բովանդակությունն ու կարևորությունը: Բանախոսը մասնակիցներին ծանոթացրեց Մարդու իրավունքների մասին հիմնական միջազգային փաստաթղթերին:
Առանձնահատուկ ոգևորությամբ ընթացավ բանավեճը հասարակական կոնֆլիկտների վերաբերյալ: Բուռն քննարկման արդյունքում ներկայացվեցին նրանց ծագման պատճառներն ու կարգավորման ուղիները՝ որպես դրանց հաղթահարման լավագույն միջոց ընտրելով բանակցությունները:
Կազմակերպված կլոր սեղանն ապահովեց ակնկալվող արդյունքը. ուսանողները կարևորեցին քաղաքացիական կրթության դերն ու նշանակությունը, մարդու իրավունքների և ժողովրդավարության բարձրարժեք նվաճումները, որոնք խթանելու են հասարակական գիտակցության բարձրարժեք դրսևորումների ճանաչմանը, մասնավորապես, ՀՀ քաղաքացու ազգանվեր, հայապահպան, հայրենասեր հոգեկերտվածքի ձևավորմանը:
Ընթացավար՝ Ս. Ավետիսյան